ელექტრო და სუსტი დენების ინჟინერი

კომპანია " არქი ", წამყვანი დეველოპერული კომპანია საქართველოში, რომელიც დაარსდა 2006 წელს. უკვე წარმატებით დავასრულეთ 55 პროექტი და ამჟამად გვაქვს 33 მიმდინარე მშენებლობა საქართველოში. "არქი"-ში ვეძებთ ელექტრო და სუსტი დენების ინჟინერს და მისი ძირითადი ფუნქციები იქნება: ძირითადი ფუნქციები: ** საპროექტო ჯგუფების მიერ წარმოდგენილი ელექტრომომარაგებისა და სუსტი დენების საპროექტო ნახაზების, ანგარიშებისა და გამოთვლების განხილვა და შესაბამისობის დადასტურება; ** პროექტების შესაბამისობის უზრუნველყოფა ტექნიკურ დავალებასთან, ადგილობრივ ნორმებთან და საერთაშორისო სტანდარტებთან (მაგ. IEC, IEEE, NFPA 72); ** პროექტირების ეტაპზე რეკომენდაციების შემუშავება ხარჯეფექტური, ენერგოეფექტური და ოპტიმალური საინჟინრო გადაწყვეტების მისაღებად; ** პროექტში ჩართულ მომიჯნავე დისციპლინებთან (არქიტექტურა, კონსტრუქცია, HVAC, მექანიკური სისტემები) კოორდინაცია, საპროექტო გადაკვეთების აღმოფხვრისა და საინჟინრო კომუნიკაციების სივრცითი ინტეგრაციისთვის; ** პროექტის განხილვის სამუშაო შეხვედრებში მონაწილეობა და ტექნიკური შენიშვნების/კომენტარების მომზადება; ** ქვეკონტრაქტორი კომპანიების მიერ წარმოდგენილი სამუშაო ნახაზების, მასალებისა და აღჭურვილობის დამტკიცების ფორმებისა და შესრულების მეთოდოლოგიის განხილვა და დამტკიცება; ** ობიექტზე სამუშაოების შესრულების ინტენსიური მონიტორინგი, რათა უზრუნველყოფილი იყოს შესაბამისობა დამტკიცებულ ნახაზებთან და დამკვეთის მოთხოვნებთან; ** ელექტრომომარაგების, განათების, სუსტი დენებისა და უსაფრთხოების სისტემების სამონტაჟო სამუშაოების ხარისხის კონტროლი; ** ელექტრული და სუსტი დენების სისტემების გამოცდის, გაშვება-გამართვისა და ტესტირების პროცესის ზედამხედველობა; ** სისტემატიური ვიზიტები ობიექტებზე და ანგარიშგება. ძირითადი მოთხოვნები: ** უმაღლესი განათლება -ელექტროინჟინერიის, ელექტროენერგეტიკის ან მომიჯნავე მიმართულებით; ** აუცილებელია მსგავს პოზიციაზე მუშაობის მინიმუმ 5 წლიანი გამოცდილება; ** ადგილობრივი ნორმებისა და საერთაშორისო სტანდარტების ცოდნა (მაგ. IEC, IEEE, BS, NFPA 72) ** საპროექტო და საინჟინრო პროგრამების (AutoCAD, Revit MEP) პროგრამასთან მუშაობის გამოცდილება; ** ინგლისური ენის ცოდნა. თუ დაგაინტერესა ჩვენმა ვაკანსიამ და გაქვს შესაბამისი გამოცდილება, მაშინ ველით შენს CV-ს, რომელიც შეგიძლია ატვირთო მითითებულ ბმულზე 2026 წლის 6 ნოემბრის ჩათვლით: https://crm.archi.ge/crm/deal/web_form/vacancy.php დაკავშირება მოხდება მხოლოდ შერჩეულ კანდიდატებთან. გთხოვთ, გაითვალისწინოთ, თქვენი რეზიუმე მომდევნო ექვსი თვის განმავლობაში შეინახება კომპანიის მონაცემთა ბაზაში. ამასთანავე, თქვენი კანდიდატურა შესაძლებელია განხილულ იქნას სხვა, მსგავს პოზიციაზე ვაკანსიის არსებობის შემთხვევაში.