გაყიდვების მენეჯერი

კომპანია "პროფპანელი" აცხადებს ვაკანსიას გაყიდვების მენეჯერის პოზიციაზე ქ. რუსთავში. "პროფპანელი" ერთ-ერთი პირველი კომპანიაა, რომელიც 2016 წლიდან საქმიანობს მზის პანელების წარმოებისა და მზის ელექტროსადგურების მშენებლობის სფეროში. ჩვენი მიზანია ადგილობრივ და საერთაშორისო ბაზრებზე მომხმარებლებს შევთავაზოთ მაღალი ხარისხის, თანამედროვე და ენერგოეფექტური პროდუქცია და მომსახურება. საქართველოს ბაზარზე საქმიანობის განვითარებისა და გაყიდვების მიმართულების გაძლიერების მიზნით, ვეძებთ აქტიურ, მიზანდასახულ და შედეგზე ორიენტირებულ გაყიდვების მენეჯერს, რომელიც მონაწილეობას მიიღებს ახალი მომხმარებლების მოზიდვაში, ბიზნესურთიერთობების განვითარებასა და კომპანიის გაყიდვების ზრდაში. ძირითადი ფუნქცია-მოვალეობები: ** მზის პანელებისა და მზის ელექტროსადგურების აქტიური გაყიდვა საქართველოს ბაზარზე; ** პოტენციური მომხმარებლების მოძიება, ახალი კლიენტების მოზიდვა და გაყიდვების შესაძლებლობების განვითარება; ** მომხმარებლებთან საქმიანი შეხვედრებისა და მოლაპარაკებების ორგანიზება და წარმართვა; ** კომერციული შეთავაზებების მომზადება, პირობების შეთანხმება და ხელშეკრულებების გაფორმება; ** არსებულ მომხმარებლებთან გრძელვადიანი და ეფექტური ბიზნესურთიერთობების ჩამოყალიბება; ** ბაზრის ტენდენციების, მომხმარებელთა საჭიროებებისა და კონკურენტული გარემოს შესწავლა; ** გაყიდვების გეგმების შესრულება და დასახული შედეგების მიღწევა; ** მივლინებები საქართველოს მასშტაბით; ** CRM სისტემაში მუშაობა, მომხმარებელთა მონაცემებისა და გაყიდვების პროცესის მართვა. საკვალიფიკაციო მოთხოვნები: ** გაყიდვების სფეროში მუშაობის 1-3-წლიანი გამოცდილება (აუცილებელია); ** B2B გაყიდვების პრინციპებისა და პროცესების ცოდნა; ** რუსული ან ინგლისური ენის ცოდნა სასაუბრო დონეზე; ** საქმიანი მოლაპარაკებების წარმოებისა და კომერციული შეთავაზებების მომზადების უნარი; ** საოფისე პროგრამებისა და CRM სისტემებთან მუშაობის უნარი. პიროვნული კომპეტენციები: ** მაღალი მოტივაცია, ამბიციურობა და პროფესიულ განვითარებაზე ორიენტირებულობა; ** ძლიერი კომუნიკაციის, დარწმუნებისა და მოლაპარაკებების წარმოების უნარი; ** შედეგზე ორიენტირებულობა და დასახული მიზნების მიღწევის სურვილი; ** ინიციატივიანობა, დამოუკიდებლად მუშაობისა და გადაწყვეტილებების მიღების უნარი; ** პასუხისმგებლობის მაღალი გრძნობა და ორგანიზებულობა; ** გუნდური მუშაობისა და საქმიანი ურთიერთობების ეფექტურად წარმართვის უნარი. რას გთავაზობთ: ** ფიქსირებულ ანაზღაურებას — 1 000 ლარს და შედეგებზე დაფუძნებულ ბონუსს — 5 000 ლარამდე და მეტს. ** შემოსავლის გაზრდის შესაძლებლობას გაყიდვების შედეგების შესაბამისად; ** პროფესიული განვითარებისა და კარიერული ზრდის შესაძლებლობას; ** მზარდ და პერსპექტიულ ენერგეტიკულ სექტორში მუშაობის შესაძლებლობას; ** დინამიკურ სამუშაო გარემოს და საინტერესო პროფესიულ გამოწვევებს. სამუშაო პირობები: სამუშაო ადგილი: ქ. რუსთავი, თბილისი-წითელი ხიდის გზატკეცილის მე-17 კმ. სამუშაო გრაფიკი: სრული განაკვეთი, კვირაში 5 დღე, 09:00-18:00 (ორშაბათი-პარასკევი). დაინტერესებულ კანდიდატებს გთხოვთ, გამოაგზავნოთ თქვენი CV/რეზიუმე ფოტოსურათთან ერთად ელექტრონულ მისამართზე: talentpx@gmail.com და ელექტრონული წერილის სათაურის ველში მიუთითეთ: "გაყიდვების მენეჯერი-პროფპანელი". გმადლობთ ვაკანსიით დაინტერესებისთვის და გისურვებთ წარმატებას!