მარკეტინგის სპეციალისტი

"წისქვილი ჯგუფი " ტრადიციული ქართული გემოების, ატმოსფეროსა და კულტურის ერთობლიობაა, რომელიც 2002 წლიდან მასპინძლობს სტუმრებს თბილისში წარმოდგენილ რამდენიმე სხვადასხვა ლოკაციაზე. წისქვილში შექმნილი გარემო, თავს გვახვევს ნოსტალგიურ განწყობას და პირდაპირ ასოცირდება იმ ტრადიციებთან, რაც წლების განმავლობაში ქმნიდა ფაქტობრივად ბრენდად ჩამოყალიბებულ - "ქართულს". ამის პარალელურად, არ ჩამორჩება თანამედროვე ტენდენციებს და ყველა გემოვნების მომხმარებელს სთავაზობს საგულდაგულოდ მოწყობილ კუთხეს. კომპანიას არსებობის დღიდან დამსახურებულად აქვს მიღებული ჯილდოები მისი ხარისხისა და სტუმარ-მასპინძლობის დამსახურებით (Golden Brand Award 2005-2012, International NBR Award, Tripadvisor Certificate Of Excellence Winner 2019 და სხვა..). მოხარულები ვართ გაცნობოთ, რომ, წისქვილი ჯგუფში გვაქვს მარკეტინგის სპეციალისტის პოზიცია. ლოკაცია: თბილისი, აკაკი ბელიაშვილის 99 გრაფიკი: ორშაბათიდან ხუთშაბათის ჩათვლით 10:00 საათიდან - 18:00 საათამდე, პარასკევს 10:00 საათიდან - 16:00 საათამდე ძირითადი მოვალეობები: ** ფილიალების ხელმძღვანელებთან ყოველდღიური კომუნიკაცია მარკეტინგული საჭიროებების იდენტიფიცირებისთვის; ** შიდა მარკეტინგული სტანდარტების, ბრენდინგისა და ვიზუალური მასალების სწორი განთავსების/მოწოდების კონტროლი; ** ფილიალების ხელმძღვანელების მხრიდან შემოსული მოთხოვნების (საბეჭდი მასალები, მენიუები და ა.შ.) დამუშავება და დროული რეაგირება; ** სტამბებთან, სარეკლამო კომპანიებთან და მომწოდებლებთან კომუნიკაცია; ** შესაკვეთი მასალების/ინვენტარის ფასების შედარება, შეკვეთა, ხარისხისა და შესრულების ვადების კონტროლი; ** შიდა და გარე მარკეტინგული ღონისძიებების, აქტივობების დაგეგმვაში მონაწილეობა და ტექნიკური/ორგანიზაციული მხარდაჭერა; ** ინვენტარისა და ადგილზე მონტაჟი/დემონტაჟის პროცესების მართვა; ** ღონისძიებების მიმდინარეობისას პროცესების მონიტორინგი; ** რეპორტინგი პირად ხელმძღვანელთან. ძირითადი მოთხოვნები: ** უმაღლესი განათლება/დამამთავრებელი კურსის სტუდენტი - მარკეტინგის ან/და ბიზნეს ადმინისტრირების განხრით; ** სასურველია მარკეტინგის სპეციალისტის პოზიციაზე მუშაობის გამოცდილება; ** ინგლისური ენის საკომუნიკაციო დონეზე ცოდნა როგორც წერილობით, ასევე ვერბალურად; ** ქართულ ენაზე გამართულად კომუნიკაციის (წერა/მეტყველება) უნარი; ** აუცილებელია Microsoft Office-ის ცოდნა. აუცილებელი უნარები: ** ორგანიზებულობა; ** პროცესების დაგეგმვისა და მართვის უნარი; ** პასუხისმგებლობის გრძნობა. თუ თვლით, რომ თქვენი გამოცდილება და უნარ-ჩვევები შეესაბამება ვაკანსიის მოთხოვნებს და ამავდროულად გსურთ შემოუერთდეთ "წისქვილი ჯგუფის" პროფესიონალთა გუნდს, გთხოვთ გადმოგვიგზავნოთ რეზიუმე ელ. ფოსტის მისამართზე hr@tsiskvili.ge და სათაურის ველში (subject) მიუთითოთ ვაკანსიის დასახელება. გთხოვთ გაითვალისწინოთ, რომ რეზიუმეს გადმოგზავნით, თქვენ აცხადებთ თანხმობას კომპანიის მიერ თქვენი პირადი და პერსონალური მონაცემების დამუშავებაზე. დაკავშირება მოხდება მხოლოდ შერჩეულ კანდიდატებთან. გისურვებთ წარმატებებს!