ბუღალტერი თვითღირებულებების გაანგარიშების მიმართულებით

" ახალი ხედვა " წარმოადგენს ერთ-ერთ წამყვან სამედიცინო ჯგუფს საქართველოში, რომელიც ოპერირებს ორთოპედიის, ტრავმატოლოგიის, ანგიოლოგიის, ინდივიდუალური ინსოლების, რეაბილიტაციისა და სამედიცინო საცალო ქსელის მიმართულებით. კომპანია აერთიანებს პროფესიულ და საცალო გაყიდვებს, კატეგორიის მენეჯერებს, მარკეტინგის მიმართულებას და მრავალპროფილურ კომერციულ გუნდს. სამედიცინო ჯგუფი ახალი ხედვა აცხადებს ვაკანსიას ბუღალტრის პოზიციაზე თვითღირებულებების გაანგარიშების მიმართულებით. პირობები: ** სამუშაო ადგილი: ქ. თბილისი. ** სამუშაო განაკვეთი: 5 სამუშაო დღე კვირაში, 09:00 - 18:00 სთ. ** ანაზღაურება: 1700-2000 ლარი (NET). ძირითადი ფუნქცია-მოვალეობები: ** იმპორტირებული პროდუქციის თვითღირებულების გაანგარიშება და ბალანსზე ასახვა; ** შეძენილი საწვავის ბალანსზე აყვანა, ხარჯვის აქტების მომზადება და შესაბამისი ხარჯების დარიცხვა; ** მივლინების ხარჯების აღრიცხვა და დარიცხვა მოქმედი კანონმდებლობის შესაბამისად; ** საბანკო ამონაწერების დამუშავება და პროგრამაში გატარება; ** შესაბამისი ოპერაციების აღრიცხვისთვის საჭირო დოკუმენტაციის სისწორისა და სისრულის კონტროლი და მათი დროული დაარქივების უზრუნველყოფა; ** საჭიროების შემთხვევაში, მის საქმიანობასთან პირდაპირ ან ირიბად დაკავშირებული სხვადასხვა დავალებების შესრულება უშუალო ხელმძღვანელის მითითებით. საკვალიფიკაციო მოთხოვნები: ** უმაღლესი განათლება ბუღალტერია/ფინანსების განხრით; ** ბუღალტრული აღრიცხვის პრინციპების ცოდნა; ** Excel-ის საშუალოზე მაღალ დონეზე ფლობა; ** მსგავს პოზიციაზე მუშაობის მინიმუმ 2-წლიანი გამოცდილება; ** სასურველია პროგრამა FINA-ში მუშაობის გამოცდილება; ** სასურველია საგადასახადო კოდექსის საფუძვლების ცოდნა პიროვნული უნარები: ** ანალიტიკური აზროვნება; ** პრობლემის იდენტიფიცირებისა და დამოუკიდებლად მოგვარების უნარი; ** ყურადღებიანი და დეტალებზე ორიენტირებული; ** მაღალი პასუხისმგებლობის გრძნობა; ** ორგანიზებული. დაინტერესებულმა პირებმა, გთხოვთ, გამოაგზავნოთ თქვენი რეზიუმე ელექტრონულ ფოსტაზე: hr@akhalikhedva.ge და სათაურის ველში მიუთითოთ პოზიციის დასახელება ბუღალტერი - თვითღირებულებების გაანგარიშების მიმართულებით. გაცნობებთ, რომ კონკურსის ფარგლებში თქვენი განაცხადი (CV) და მასში მოცემული პერსონალური მონაცემები, კანონით დადგენილი წესის შესაბამისად, მათ შორის კონკურსის შედეგებთან დაკავშირებით სამართლებრივი დავის პროცესის უზრუნველყოფის მიზნით, დამუშავდება კონკურსის დასრულებიდან 1 წლის ვადით. ამასთან, თუ გსურთ თქვენი განაცხადი (CV) და მასში მოცემული პერსონალური მონაცემები დამუშავდეს შემდგომში, სხვა ვაკანტურ პოზიციაზე თქვენი კანდიდატურის განხილვის მიზნით, გთხოვთ, აღნიშნულთან დაკავშირებით თქვენი თანხმობის შესახებ მოგვწერეთ ელექტრონულ ფოსტაზე: hr@akhalikhedva.ge აღნიშნული თანხმობის გამოხმობა შეგიძლიათ ნებისმიერ დროს, ამავე ელექტრონული ფოსტის საშუალებით, "პერსონალურ მონაცემთა დაცვის შესახებ" საქართველოს კანონის მე-3 თავით მინიჭებული უფლების ფარგლებში. თანხმობის შემთხვევაში, სხვა ვაკანტურ პოზიციაზე თქვენი კანდიდატურის განხილვის მიზნით, განაცხადის (CV) შენახვა მოხდება კონკურსის დასრულებიდან/შეწყვეტიდან 1 წლის განმავლობაში.